ŞƏKİNİN ÇAPAĞAN KƏNDİNDƏ YENİ KÖRPÜ İSTİFADƏYƏ VERİLMİŞDİR

Şəki rayonunun Çapağan kəndində Küngütçay üzərində körpünün olmaması gediş-gəliş üçün böyük çətinliklər törədirdi. Əvvəllər Küngütçayın içi ilə hərəkət edən sakinlər, suyun səviyyəsi artanda böyük məsafə qət etməli olurdular. İndi çayın üzərindən uzunluğu 151, eni 9, piyada keçidinin eni isə 2 metr olan körpü salınmışdır. Körpü Çapağanla 5 kəndi birləşdirəcəkdir. Bu münasibətlə keçirilən mərasimdə Nəqliyyat Nazirliyinin, şəhər icra hakimiyyətinin nümayəndələri çıxış edərək, Şəkinin Şin və Kürmük çaylarının üzərindən yeni körpülərin inşasının planlaşdırıldığını bildirmişlər.

Mənbə: Şəki Şəhər İcra Hakimiyyəti ( http://www.sheki-ih.gov.az/news.php?extend.98 )