Rusiya Federasiyasi Dağistan Respublikasinın prezidenti Maqomedsalam Maqomedov "Şəki-İpək" ASC-də istehsal prosesi ilə tanış olmuşdur >>

PREZİDENTLİK LİMİTİNİN LƏĞVİ İLƏ ƏLAQƏDAR 1 İL ƏVVƏL - MARTIN 18-DƏ, RESPUBLİKAMIZDA KEÇİRİLMİŞ REFERENDUMUN SƏBƏBKARI “İPƏKÇİ” VƏ “ŞƏKİNİN SƏSİ"DİR!

Xronologiya

07.03.08;13.00; Milli Məclis, Deputat korpusu, Hadi Rəcəblinin iş otağı.

Aydın Məmmədov: Bildiyiniz kimi, "Şəkinin səsi" qəzetinin 22 fevral buraxılışında müstəqil siyasi tədqiqatçı Elşən Mehdiyevin "Azərbaycan ictimaiyyətinə Müraciət"i dərc olunmuşdur, Azərbaycan Prezidentinin seçilmə məhdudiyyəti barədə. Sizin münasibətiniz?
Hadi Rəcəbli: Əvvəlcə bir neçə kəlmə də Salis haqqında deyim. Salisdə peşəkar jurnalistə xas olan bütün cəhətlər var; cəsarətlidir, fanatikdir, öz üşini sevir, təşəbbüskardır. Məsələn, "Heydər Əliyev" ordeninin yaradılması təşəbbüsünü ilk dəfə Salis Məmmədov irəli sürmüşdür! Kim deyirsə ki bunu o edib, boş şeydir. Bəlkə də kimsə ürəyindən keçirmişdir, amma Salisə qədər kimsə dilinə gətirməyə gəsarət etməmişdir. Salis isə bunu etdi, "Şəkinin səsi" qəzetində təşəbbüs irəli sürdü və mən də Milli Məclisin iclasında bu təşəbbüs barədə məlumat verdim. Kim istəsə gedib baxa bilər, Milli Məclisin arxivində, stenoqramı durur.
Aydın Məmmədov: Əlbəttə, xatırlayırıq, Televiziyada da göstərirdilər.
Hadı Rəcəbli: Bu gün isə Salis təşəbbüs irəli sürür ki, Prezident ömürlük seçilməlidir. Mən öz adımdan deyirəm, Salisin adından yox, referendum çağrılmalıdır, Konstitusiyaya düzəliş edilməlidir ki, 1 şəxs dəfələrlə Azərbaycan Respublikasının Prezidenti seçilə bilər. Biz nəyə görə möhtərəm İlham Əliyevin 3-cü dəfə prezident seçilmək hüququna məhdudiyyət qoymalıyıq ki?! Bu vətəndaş hüququnun pozulmasıdır! Axı, möhtərəm İlham Əliyev, Heydər Əliyev siyasi kursunun davamçısıdır, bu kurs isə müvəffəqiyyətli bir kursdur, ölkədə sabitliyin təminatçısıdır. Gəlin baxaq Rusiyaya. Putin iki müddət prezident seçildiyindən, Rusiya Konstitusiyasına əsasən bu gün, üçüncü dəfə seçilə bilmədi. Amma ruslar Putini istəyirdilər. İstəsələr də onu seçə bilmədilər. Deməli bir tərəfdən, bir vətəndaşın prezident seçilə bilmək hüququ pozulursa, digər tərəfdən milyonlarla vətəndaşın öz istədiyini prezident seçmək hüququ pozulub.

R.S. Bu müsahibə “Şəkinin səsi” və “İpəkçi” qəzetlərində və bu qəzetlərin veb saytında dərc olunmuşdur.

****

26 oktyabr 2008-ci il - son prezident seçkilərindən 2 həftə sonra.

Prezident İlham Əliyev 5 il sonra 3-cü dəfə prezident seçilə bilərmi?

Azərbaycanda bu prezident seçkiləri gözlənildiyi kimi, necə ki 5 il əvvəldən məlum idi, eləcə İlham Əliyevin qeyd-şərtsiz qələbəsi ilə başa çatdı, amma növbəti dəfə kimin prezident seçiləcəyi barədə heç kim qəti proqnoz verə bilmir. Belə ki, Azərbaycan Respublikasının Konstitusiyasına görə 1 şəxs dalbadal 2 dəfədən artıq, prezident seçilməməlidir və bu səbəbdən də İ. Əliyevin 3-cü dəfə prezident seçilmək hüququ yoxdur. Amma prezidentin tərəfdarları, məsələn, Hadi Rəcəbli belə hesab edir ki,
"referendum çağrılmalıdır, Konsti-tusiyaya düzəliş edilməlidir ki, 1 şəxs dəfələrlə Azərbaycan Respublikasının Prezidenti seçilə bilər. Biz nəyə görə möhtərəm İlham Əliyevin 3-cü dəfə prezident seçilmək hüququna məhdudiyyət qoymalıyıq ki?!"
Sitat, bir neçə ay əvvəl Milli Məclisin Sosial siyasət daimi komissiyasının sədri, millət vəkili Hadi Rəcəblidən götür-düyümüz müsahibədəndir. Müsahibənin tam mətni, bir sıra maraqlı məqamları ilə bilikdə, "Şəkinin səsi" qəzetinin veb saytında dərc olunub, baxa bilərsiniz.

R.S. Bu məqalə “Şəkinin səsi” və “İpəkçi” qəzetlərinin bloq-saytında, həm-çinin, avtomatik olaraq, o vaxtın aparıcı xəbər saytlarından biri olan “metbuat.info”da dərc olunmuşdur.

***

9 noyabr 2008-ci il

Prezidentlik üçün limitin ləğv olunması ilə bağlı Hadi Rəcəblinin təşəbbüsünü Siyavuş Novruz və digər deputatlar da dəstəklədilər...

Hadı Rəcəblı: "...referendum çağrılmalıdır, Konstitusiyaya düzəliş edilməlidir ki, 1 şəxs dəfələrlə Azərbaycan Respublikasının prezidenti seçilə bilər. Biz nəyə görə möhtərəm İlham Əliyevin 3-cü dəfə prezident seçilmək hüququna məhdudiyyət qoymalıyıq ki?! "Əv-vəlcə, millət vəkili Ana Vətən Partiyasının sədri Fəzail Ağamalı, bu günlərdə isə digər millət vəkilləri Siyavuş Novruz, Aydın Mir-zəzadə, Mixail Zebelin də KİV-nə verdikləri müsahibələrdə Hadı Rəcəblının təşəbbüsünü olduğu kimi dəstəklədiklərini nümayiş etdiriblər.
"Şəkinin səsi" qəzetinin daimi oxucularına və bizim veb səhifələri müntəzəm olaqaq izləyənlərə məlumdur ki, bu ilin mart ayında millət vəkili, Sosial Siyasət Daimi Komissiyasının sədri Hadi Rəcəbli, Prezident İlham Əliyevin 5 il sonra, 3-cü dəfə də prezident seçillə bilməsi üçün Konstitusiyaya müvafiq düzəlişin edilməsi barədə ideya ortaya atmışdır və onun bu təşəbbüsü barədə ilk dəfə "Şəkinin səsi" qəzeti və "Şəkinin səsi" qəzetinin veb səhifələri məlumat yaymışdır.
R.S. Bu məqalə də “Şəkinin səsi” və “İpəkçi” qəzetlərinin bloq-saytında, həmçinin, avtomatik olaraq, o vaxtın aparıcı xəbər saylarından biri olan “metbuat.info”da dərc olunmuşdur.

"İpəkçi" qəzeti, 16 mart, 2010-cu il.

Həmyerlimiz Elçin Abbasov Bakıda təyyarə yarışı təşkil edir - fotolar və video

Videolar:

1;

2;

3.

Hambuqda bir gözəl Azərbaycanlı ailəsi haqqında...

■ Bagırovlar ailəsi 1998 ilin Avqust ayında Almaniyaya köç etmələrinə vətəndən uyaq yaşamalarına ramən kicik Əlı Bagırov Idmanın Karete üzrə 10 yaşlılar arasında Hamburq çempionu olmuşdur.
■ Haqqında danışacagımız 1999-cu ilin 30 oktyabirinda anadan olmush 10 yaşındakı Əli Bagıov Almaniya dogumlu Azərbaycanlımızdır.
■ Əli İdmanın Karate növü ilə hələ ən kiçik yaşlarında 2005-ci ilin sentyabirından məşquldur. 2006-ci ilin iyun ayının 19-da kiçik çəki dərəcəsində, ilk medalını qazanmışdır. Mütamadi olaraq idmanın bu növü ilə məşqul olan Əli, sonrakı, 2007-ci ilin iyun ayının 23 və 2008 ilin iyul ayının 16-da çempion adına layiq görülmüşdür. Onu xüsusilə qeyd etmək olar ki karatenin sotakan növü üzrə göy kəməri vardır. Əlinin karate idman növünə maragı vətənpərvərlik üzərində qurulmasının şahidi oldum. Ona maraq oyadan səbəb atasi Hamburaq Azərbaycan Mədəniyyət cəmiyyətinin sədri Azər Rövşən evdə hər gün vətənpərvərlik movzusundakı söhbətlərindən irəli gəlməsidir desəm yanılmaram. Vətənpərvərlik mövzusunda baxdıgı TV- verlişləri Əlini daha da vətənpərvər ruhunda olmaga yönəltmişdir. Maraqlısı budur ki Əli torpaqlarımızın azad olunması ugrundakı döyüşlərə qatılacagını cəsarətlə dilə gətirdi .

■Kiçik yaşlı Əli əskərlik yaşının olmamasına ramən, indidən işqalçı ermənilərə qarşı nifrətini də gizlətmədi. Dogrusu deyim müsafir oldugum bu evddə Əlinin bu qədər ayıq və vətənpərvər olmasına heyrət etdim. Əlinin idmanın karate novünün seçməsi məhz vətənpərvər olmasını hiss etdirdi. Çox ciddi görkəmi və olduqca sakit görünüən Əlinin bacıları Nailə və Zəhra onu o qədər sevirlər ki, bütün ərköyünlüyünə belə cox həsas yanaşır və dözürlər. Hanı bizlərdə bir söz var deyərlər: "Evdə tək olan oglan üşagı ikinci Padişahdır".

■ Zəhra 8-sinifdə oxuyur. Nailə isə 10.ci sinifdə təhsini davam etdirir.Yeri gəlmişkən bu iki qızcigazımızla maraqlandıgımızda gördük ki, ilk okullarını Almaniyada almalarına ramən, ana dilimizi mükəmməl və səlis danışırlar. Bu da ondan irəli gəlir ki, evdə ana dilimzə hörmətlə yanaşılır. Kaş ki Vətəndə öz ana dilini bilməyən bəzi ailələrdə bu cür ailələrdən nümünə götürə biləydi. Ümümiyyətlə söhbəti Böyük Türk millətindən salsaq görərik ki , ölkədən kənar yaşayan Türk milləti bizi hər daim heyrət içindı buraxib. Türklərin burada öz ana dillərini unutmayaraq səlis danışmaları bizləri ruhlandırır və sevindirir. Avropanın bir cox ölkələrində Türk mediası qəzet və jurnalları movcuddurki bu da gündəlik informasiyaları əldə edirlər. Axı biz də AzərbaycanTürküyük…

■ Keçək Əlinin son çempionluq haqqındakı fikirlərə... 2009 ilin iyin ayının 9-da Lübükde şəhərlər arası Dostluq birincilik yarışlarında Əli bu birinciliyin də, qalibi oldu. Dogrudur komanda yarışlarinda 4-cülüyü əldə etsələrdə, Əli məglubiyyətlə ayrılmadı. Yüksək yerlərə çıxmamalarının səbəbi komanda yoldaşlarının zəif çıxışlarından irəli gəlmişdir. Əli deyirki, heç də, həvəsdən düşməmişəm. Gələcək çempionatlarda daha əzimlə çıxış edəcəyəm. Gərək Dogma Azərbaycanımızı öz qələbələrimlə tanıdam.

■ Sohbət bu gözəl ailədən düşmüşkən Əlinin Anası Rena xanımım nə qədər mülayim evdar bir xanim olması və gözəl mətbəx sahibliyi bizi daha da heyrətləndirdi. Onun hazırladıgı dadli Azərbaycan mətbəxi Alman dostlarının dilindən düşmür. Həyat yoldaşı, dostumuz Azər bəy Rovşən bizə bir surprizdə hazırlayıbmış. Sən demə o pianonda daha dogrusu sintizatirda Türk və Azərbaycan musiqilərinin gözəl ifasıçısıimiş.Yemək masası arxasında gözəl müsiqi parçalarınında şahidi olduq. Həqiqətən Almaniyada belə bir Azərbaycanlı ailəsilə fəxr etməyə dəyər. Nə deyə belərik? Bu qədər gözəl görüntü və istirahətdən sonra Bagırovlar ailəsinə gələcək planlarında ugurlar diləyilə

İntigam İbrahimoglu

Böyük Səhrada İran hökmdarı 2-ci Kambisin itkin düşmüş ordusu tapıldı!

"Discovery News" xəbər verir ki, İtaliya arxeoloqları Böyük Səhrada İran hökmdarı 2-ci Kambis ordusunun qalıqlarını aşkar ediblər. Alfedro və Ancelo Kastilyoni qardaşlarının fikrincə onların etdikləri kəşf əvəllər əfsanə hesab olunan tarixi hadisənin ilk dəfə elmi cəhətdən sübutudur.

• Böyük Əhəmilər silaləsindən olan Kirin böyük oğlu 2-ci Kambis ordusunun yox olması tarixini Heredot qələmə almışdır. Qədim yunan tarixçisinin məlumatına görə, bizim eradan əvvəl 525-ci ildə Siva vahəsindəki Amon (adlı) kahinin məbədini məhv etmək üçün Kambis 50 min əsgərlik ordu göndərmişdir. Belə ki, bu məbədin kahinləri 2-ci Kambisin Misir üzərində hökmranlığını tanımaqdan imtina edirdilər.
• Ordu bir həftə sonra Xarqa vahəsinə çata bildi, lakin bu zaman başlayan qum fırtınası onların Siva şəhərinə yetişməsinə imkan vermədi...

Tərcümə etdi: Aydın Məmmədov

Ətraflı >>>

Bəhram Çələbinin növbəti - "TT Nəriman" adlı, kitabı nəşr olunub.

Bu günlərdə Bəhram Çələbinin növbəti - "TT Nəriman" adlı, kitabı nəşr olunub. Bu onun Azərbaycan "vor zakon"ları haqqında sayca 8-ci kitabıdır. Məlumat üçün qey edək ki, B. Çələbi ötən əsrin 90-cı illərinin əvvəllərinə qədər Şəki Şahmat Məktəbinin direktoru olmuşdu və sonralar peşəsini dəyişib kriminal aləm haqında kitəblar yazmağa başladı.Onun kitabları daha çox Rusiyada yayılmaqda və oxunmaqdadır. Təkcə 2007-ci ildə B. Çələbinin "Sabirabadlı Hikmət" adlı kitabı Moskvada 20 min nüxsədə satılmışdır.
B. Çələbini bu münasibətlə təbrik edərkən, sözarası soruşduq ki, "Bəhram müəllim, son günlər Maştağada baş alıb gedən oğurluq hallarına münasibətiniz necədir? Deyilənlərə görə bütün kənd oğrulardan ehtiyat edərək səhərə qədər yatmır, oğrular isə istədikləri evə girir, bir şey tapmayanda isə namə qoyurlar ki "onsuz da aparacağıq!". Bəhram müəllim cavab verdi ki, " mən siyasətlə məşğul olmuram, bu məsələni hökumət araşdırmalıdır".

Şəki ipəyinin şöhrəti yenidən qayıdır

Böyük insanlar əzəmətli dağlara bənzəyir. Bu dağlardan məsafəcə aralandıqca onların böyüklüyü, əzəməti daha aydın görünür. Öz xalqının taleyində, dövlətçiliyinin inkişafında misilsiz xidmətlər göstərmiş, bu müqəddəs yolda ömrünü-gününü şam kimi əritmiş insanlar da belədir. İllər ötdükcə, zaman keçdikcə onların böyüklüyü, xalq və məmləkət yolunda etdikləri fədakarlıqlar özlərindən sonra da əsl örnək olur. Ümummilli lider Heydər Əliyev də möhtəşəm bir ömür yaşamışdır. Azərbaycanımızı çətinliklərin məngənəsindən qoparıb ayağa qaldırmış, dirçəltmişdir. Öz müdrikliyi sayəsində böyük uğurlara qovuşdurmuşdur. Azərbaycanımız məhz Heydər Əliyev siyasi kursu ilə bu gün də bir dövlət olaraq qüdrətini və nüfuzunu artırmaqdadır. Taleyimə minnətdaram ki, bu gün vaxtilə o böyük insanın - ulu öndər Heydər Əliyevin diqqət və qayğı göstərdiyi müəssisələrdən birində çalışıram. Bəli, "Şəki-İpək" ASC-nin fəaliyyətinin ən çətin dövrlərində Şəki ipəyinin şöhrətinin qaytarılması, kombinatımızın normal iş ahənginin təmin olunması üçün ulu öndər Heydər Əliyev mənəvi qayğısını əsirgəmədi, tövsiyələrini verdi. Maddi-texniki bazanın möhkəmləndirilməsi, işin səmərəliliyinin artırılması məqsədilə müəssisəmizə maddi yardım göstərilməsi barədə 2001-ci ildə sərəncam imzaladı. Həmin vaxtdan ümummilli lider Heydər Əliyevin xeyir-duası ilə "Şəki-İpək" ASC fəaliyyətini genişləndirmiş, müəyyən uğurlara nail olmuşdur. Şəkinin ən iri istehsal müəssisəsi olan "Şəki-İpək" ASC-də yeni istehsal sahəsi, pambıq sapəyirmə sexi quraşdırılmışdır. İllik istehsal gücü 1700 ton pambıq sap olan bu sexdə 120 nəfər daimi işlə təmin olunmuşdur. Ötən ilin sonlarında müəssisədə yeni, daha məhsuldar xam ipək istehsal edən baramaaçan dəzgahlar quraşdırılaraq istifadəyə verilmişdir. Çin Xalq Respublikasından gətirilən bu avadanlıq məhsulun keyfiyyətini yüksəltməklə yanaşı, burada çalışan insanların əməyinin yüngülləşdirilməsinə imkan yaratmışdır. Bir faktı qətiyyətlə demək olar ki, Şəki ipəyi, o cümlədən burada istehsal olunan xalçalar, kəlağayılar, şərflər, xammal məmulatları yenə keyfiyyəti, rahatlığı, insana faydalılığı ilə seçilir. 2006-cı ildə bölgəyə səfəri çərçivəsində rayonumuzda olarkən möhtərəm Prezident İlham Əliyev demişdir: "Bu gün ölkəmiz Heydər Əliyev yolu ilə uğurla inkişaf edir. O cümlədən Şəki şəhərinin inkişafında nailiyyətlər vardır". Həmin ili ona görə xatırladım ki, möhtərəm Prezident İlham Əliyev və xanımı Mehriban Əliyeva ilə müəssisəmizin kollektivinin görüşü indiyə qədər də hər kəsin qəlbində şirin bir xatirəyə dönmüşdür. Həmin görüş bizi daha əzmlə çalışmağa, daha böyük uğurlara ruhlandırmışdır. Bu gün "Şəki-İpək" ASC göstərilən dövlət qayğısının müqabilində daha əzmlə çalışır ki, Şəki ipəyinin şöhrəti yaşasın və istehsal etdiyimiz məhsul istehlakçı ünvanını tapmaqda çətinlik çəkməsin.

Sevil İSMAYILOVA,

"Şəki-İpək" ASC-nin həmkarlar təşkilatının sədri.

"Azərbaycan"qəzetinin saytı

Bakının düz ortasında yapışqan iyləyən uşaqlar!

Bu 21-ci əsrin ən "model" narkomaniyasıdır! Bakının düz ortasında, əllərində selofan torba və torbadın içində yapışqan və yapışqanı iyləyərək onun iyinin təsirindən "məst" olan uşaqlar! Hökümət hara baxır?! Bunlar küncdə-bucaqda deyil, düz şəhərin ortasında baş verir!

Aydın Məmmədov